***🙏මීලඟ ජනාධිපති සහ අපි🙏 ***

මීලඟට පැවැත්වෙන මැතිවරණය කුමක්ද යන කාරණය ගැන සමාජයේ තිබෙන අවධානය ඉතාමත් විශාලය.ඒ පිලිබඳ විශාල කතිකාවත් ද මේ වන විට ඉතා සුලබ ය.මගේ අදහස නම් 2019 ජනාධිපතිවරණය වූ කලී රට යන පැත්ත වෙනස් කරන බරපතල ප්‍රතිසංස්කරණමය වූ  දේශපාලනයක් මේ රටේ ආර්ථිකය , ආරක්ෂාව  හා ප්‍රජාතන්ත්‍රවාදය යන අංශ තුනටම සිදු කිරීම මුල් කර ගෙන ගත යුතු තීරනයක් සමග ඒකාබද්ධ විය යුතු බවයි . ' වැඩ කිරීම මිස බොරු කයිවාරු ගැසීම '  පසෙකට දැමූ  පුද්ගලයකු හා පක්ෂයක්  ජයග්‍රාහනය කිරීම ,මෙන්ම කරවීමද  අනිවාර්ය වන්නේමය.තවත් ආකාරයකින් කිවහොත් අප සේන්දු වෙමින් සිටින්නේ  කතාවට හොඳ මිනිසුන් ජනාධිපති ධූරයේ තබාගෙන             රට ගොඩනැගීමට වෙහෙස විය හැකි පුද්ගලයන් ඉවත දමන දේශපාලනය කාලොචිතද ?  මෙම ජනාධිපතිවරණයේ සටන් පාඨය විය යුත්තේ  ප්‍රජාතන්ත්‍රවාදය පිලිබඳ හිස් කතන්දරයක්  හෝ අලංකාර වලින් පිරුණු කතා සාප්පුවක් හෝ නොවන බව යලිදු කිව යුතුය .කතාකාරයාගේ සිට වැඩකාරයා දක්වා දේශපාලනය වෙනස් වීමේ අවස්ථාව රටේ දොරකඩටම පැමිණ ඇත්තේමය.දැන් දැන් රටට අවශ්‍ය වන්නේ ඇමරිකාව සතුටු වෙන හෝ ජත්‍යන්තරය පිනවන හෝ හන්සි පුටු ප්‍රජාතන්ත්‍රවාදයක් නොව උතුරේ සිට දකුණටම වෙලා ගෙන ඇති ආර්ථික අර්බුද වලින් රට ගලවා ගත හැකි සැබෑ ප්‍රතිසංස්කරණවාදියකු මේ රටේ ජනාධිපතිවරයා ලෙස පත් කිරීමය.එය කර හැක්කේ කුමන පක්ෂයෙන් ද යන කාරණයටත් වඩා මෙහි දී වැදගත් වන්නේ මේ තත්ත්වය රටක් ලෙසින් අප හරියටම තෙරුම් ගැනීමයි .ගමේ භාෂාවෙන් කියනවා නම් දැන් අප ඉන්නේ හේනක් කොටන්නට අවශ්‍ය වෙලාවක මිස හේනේ අස්වැන්න නෙලන්නට තිබෙන අවස්ථාවක නොවේ.මේ මොහොත 'වගා කරන්නාගේ මොහොතක් මිස අස්වැන්න බෙදන්නාගේ මොහොතක් ' නොවන බව මෙම කාරණයේ දල අදහසය.ඒ අර්ථයෙන් අප රටක් ලෙසින්  සිටින්නේ රටට ජනාධිපතිවරයකු හා රටට වැඩසටහනක් නිසි පරිදි තෝරා ගැනීමේ අර්ථයෙන් වෙන කවරදාටවත් වඩා බරපතල ආකාරයේ තත්ත්වයකය.                                                                   අනෙක් කාරණය වන්නේ ජාතික ආරක්ෂාව පිලිබඳ අප මුහුණ දෙන තත්වයයි.බොහෝ අය අති සරල ලෙසින් තේරුම් ගත්තාට පසුගිය පාස්කු ඉරිදා ප්‍රහාරය සමග මේ රටේ ආරක්ෂාව සම්බන්ධව තව තත්ත්වයක් ගොඩ නැගී ඇති බව පිලිගැනීම අත්‍යාවශ්‍ය ය. අනෙක් පසෙන් ආර්ථිකමය කරුණු මුල් කර ගනිමින් බටහිර ලෝකය සමග අචාරශීලීව සහයෝගිතාවයෙන්  , ජාත්‍යන්තර වෙළෙඳාම ,නීතිය , ගිවිසුම් යන සංකල්පයන් තුල ද උපක්‍රමික මැදිහත් වීමක් කල අයෙකු වීම අවශ්‍යම තත්ත්වයක් බවත් ඒ අර්ථයෙන් මේ ජනාධිපතිවරණය ඉතාමත් වැදගත් එකක් බව කිව යුතුය .                                       අනෙක් පසෙන් සමාජ සුබසාධනය සදහා විශාල වගකීමක් රජය විසින් දරන රටක් ලෙසින් රාජ්‍යයේ වපසරිය කුමක් ව්ය යුතුද ? වෙළෙඳපොළට මුදා හැරිය යුතු සේවා , නිෂ්පාදන , ආර්ථික ක්ශේත්‍ර යන්න නගා සිටුවීම කල යුතුමනාය.                                                         මේ තත්ත්වය පිලිබඳ පළල් විමර්ශනයක්  සහ විසදුමක් ගොඩනගා ගැනීම ඊලඟ ජනාධිපතිවරණ තුළ සිදු කිරීම වූ කලී රටක් දැයක් වශයෙන් සැමගේ වගකීමකි යුතුකමකි.                                                                                                                                                    MAPT/ 19/B1/ 06                                                M.A.B Emesha Dhananji Aloka Bandara